ՉԺՀ-ում հայտարարել են, որ ՆԱՏՕ-ն ուղիղ պատասխանատվություն է կրում Ուկրաինայի ճգնաժամի համար
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ։ Հյուսիսատլանտյան դաշինքն ուղիղ պատասխանատվություն է կրում ուկրաինական ճգնաժամի համար։ «Արմենպրես»-ի հաղորդմամբ՝ այս մասին ճեպազրույցի ժամանակ հայտարարել է Չինաստանի ԱԳՆ պաշտոնական ներկայացուցիչ Վան Վենբինը։
«ՆԱՏՕ-ն աննկարագրելի պատասխանատվություն է կրում ճգնաժամի համար, դաշինքը պետք է մտածի իր դերի մասին, դադարի մեղքը բարդել ուրիշների վրա և արդյունավետ գործնական գործողություններ ձեռնարկի ճգնաժամի քաղաքական կարգավորման համար», - Չինաստանի ԱԳՆ պաշտոնական ներկայացուցչի խոսքերը մեջբերում է ՏԱՍՍ-ը։
Վան Վենբինը հավելել է, որ Չինաստանը զենք չի տրամադրում պատերազմող կողմերին և խստորեն վերահսկում է երկակի նշանակության ապրանքները, ներառյալ անօդաչու սարքերի արտահանումը։